‘சூப்பர் ஸ்டார்’ ரஜினிகாந்த் நடிக்கும் ‘கூலி’ படத்தின் படப்பிடிப்பு நிறைவடைந்துள்ளதாக படக்குழு அறிவித்துள்ளது.
லோகேஷ் கனகராஜ் இயக்கத்தில் ரஜினிகாந்த் நடிக்கும் படம் கூலி’.
அவருடன் சத்யராஜ், அமீர்கான், நாகார்ஜுனா, உபேந்திரா, ஸ்ருதிஹாசன், செளபின் ஷாகிர் உள்ளிட்ட பலர் நடித்துள்ளனர்.
சன் பிக்சர்ஸ் நிறுவனம் தயாரித்து வரும் இந்த படத்துக்கு அனிருத் இசையமைத்து வருகிறார். இதன் ஓடிடி உரிமையை அமேசான் ப்ரைம் நிறுவனம் பெரும் விலை கொடுத்து வாங்கி உள்ளது. இது ரஜினியின் 171 –வது படம்.
படத்தின் மொத்த படப்பிடிப்பும் முடிவடைந்து விட்டதாக படக்குழு அதிகாரப்பூர்வமாக வீடியோ வெளியிட்டு தெரிவித்துள்ளது.
இதற்காக வெளியிடப்பட்ட வீடியோவில், லோகேஷ் கனகராஜ் ‘ஆக்ஷன்’ சொல்லும்போது, ஆக்ஷன் சார் எனக் கூறுகிறார். அதை உன்னிப்பாக கவனித்து ரஜினிகாந்த் நடிக்கிறார்.
இந்த படத்தில் ஆக்ஷன் காட்சிகளுக்கு பஞ்சம் இருக்காது என எதிர்பார்க்கலாம்.
படத்தை வரும் ஆகஸ்ட் மாதத்தில் வெளியிட்ட திட்டம்.
இந்த படத்தின் ஷூட்டிங் முடிவடைந்துள்ள நிலையில், ரஜினிகாந்த் அடுத்ததாக ஜெயிலர் 2 படப்பிடிப்பில் பிஸியாகி உள்ளார்.
–