—
ஜனவரி-06,
சூர்யா நடித்த ‘காக்க காக்க’, ‘கஜினி’, எஸ்.ஜே.சூர்யா நடித்த ‘நியூ’ போன்ற படங்களில் நடிக்க அஜித்தை தேடித்தான் முதலில் வாய்ப்புகள் வந்தன.
அந்தப்படங்களில் சில ,பல தவிர்க்க முடியாத காரணங்களால் அஜித் நடிக்க வில்லை.
விக்ரம் நடித்த ‘சேது’ படத்தை தொடர்ந்து சூர்யா நடிப்பில் ‘நந்தா’ என்ற படத்தை பாலா இயக்கினார். இதில் சூர்யாவுக்கு முன்பு அஜித் நடிப்பதாக இருந்தது.
பல்வேறு காரணங்களால் அது நடக்கவில்லை. பிற்காலத்தில் பாலா, அஜித் இணைந்து பணியாற்ற விரும்பினர். அதன் காரணமாக ‘நான் கடவுள்’ படத்தில் பாலா -அஜித் கூட்டணி அமைத்தனர். ஆனால், திடீரென்று ஏற்பட்ட கருத்து வேறுபாடுகளால் அந்தப்படத்தில் இருந்தும் அஜித் குமார் விலகி விட்டார். பிறகு அந்தப் படத்தில் ஆர்யா நடித்தார்.
இந்த நிலையில். அஜித்தை ‘நான் கடவுள்’ படத்தில் நடிக்க வைக்க நினைத்தது ஏன் என்பது குறித்து பாலா முதல்முறையாக மனம் திறந்து பேசியுள்ளார்.
அஜித் போன்ற ஒரு ஸ்டைலிஷான ஆக்ஷன் ஹீரோவை ‘நான் கடவுள்’ படத்தில் நடிக்க வைக்கும் எண்ணம் எப்படி ஏற்பட்டது என்று பாலாவிடம் கேட்கப்பட்டது.
அந்த கேள்விக்கு பதிலளித்த பாலா, ‘நாங்கள் இருவரும் ஒரு படத்தில் இணைந்து பணியாற்ற வேண்டும் என்று ஆசைப்பட்டோம் – அதற்காகத்தான் ‘நான் கடவுள்’ படத்தை அஜித் குமாரை வைத்து இயக்க நினைத்தேன்- ஆனால், அது நடக்காமல் போய்விட்டது’ என்றார். பாலா அளித்த பேட்டி வைரலாகி வருகிறது.
—