மே.31
காங்கிரஸ் கட்சியின் முன்னாள் தலைவர் ராகுல்காந்தி பத்து நாள் சுற்றுப்பயணமாக அமெரிக்கா சென்றடைந்தார்.
அமெரிக்காவின் சான் பிரான்சிஸ்கோ சென்றுள்ள ராகுல்காந்தி, அந்நாட்டில் 10 நாட்கள் சுற்றுப்பயணம் செய்யவுள்ளார். சான் பிரான்சிஸ்கோவில் தரையிறங்கிய ராகுல்காந்தியை, காங்கிரஸ் கட்சியின் வெளிநாட்டு விவகாரங்களைக் கையாளும் சாம் பிட்ரோடா வரவேற்றார். இவர் இந்தியாவின் தொலைத்தொடர்பு புரட்சியின் தந்தை எனப் போற்றப்படுபவர் ஆவார்.
இந்த 10 நாள் சுற்றுப்பயணத்தின்போது, சான்பிரான்சிஸ்கோவில் உள்ள புகழ்பெற்ற ஸ்டான்போர்ட் பல்கலைக்கழகத்தில் மாணவர்களுடன் ராகுல் உரையாட உள்ளதாகத் தகவல்கள் தெரிவிக்கின்றன. மேலும், வால் ஸ்ட்ரீட் நிர்வாகிகள், அமெரிக்க வாழ் இந்தியர்கள், அமெரிக்காவின் நாடாளுமன்ற பிரதிநிதிகளையும் ராகுல்காந்தி சந்தித்துப் பேசவுள்ளார். வரும் ஜூன் 4 ஆம் தேதி நியூயார்க்கில் காங்கிரஸ் சார்பில் ஒரு பொதுக் கூட்டம் போன்ற மக்கள் சந்திப்புக்கு ஏற்பாடு செய்யப்பட்டுள்ளதாகவும், அதில் ராகுல்காந்தி பங்கேற்கவுள்ளதாகவும் தெரிவிக்கப்பட்டுள்ளது.