கும்பமேளாவில் நெரிசலில் இறந்தவர்கள் எத்தனை பேர் ?

ஜனவரி-29.

மகா கும்பமேளாவில் நெரிசலில் சிக்கி இறந்தவர்கள் எண்ணிக்கை 30 ஆக உயர்ந்து உள்ளது. ஏரளமானவர்கள் காயம் அடைந்து உள்ளதாகவும் தகவல்கள் தெரிவிக்கின்றன.

காலையில் ஏற்பட்ட திடீர் நெரிசலால் தள்ளு முள்ளு ஏற்பட்டது. ஒருவரை ஒருவர் முண்டியடித்துக் கொண்டு ஓட முயன்றதால் பதற்றம் அதிகமானது. அப்போது தடுமாறி கீழே விழுந்தவர்களை மிதித்துக்கொண்டு மற்றவர்கள் ஓடியதால் உயிரிழப்ப ஏற்பட்டு உள்ளது.

இது பற்றி உபி முதல்வர் “ மவுனி அமாவாசை என்பதால் அதிகாலை முதலே லட்சக்கணக்கானோர் திரண்டதால் கடும் கூட்ட நெரிசல் ஏற்பட்டது.

படுகாயம் அடைந்தவர்களை தற்காலிக மருத்துவ முகாமில் முதலுதவி சிகிச்சை அளிக்கப்பட்டு மேல் சிகிச்சைக்காக மருத்துவமனைக்கு அனுப்பி வைக்கப்பட்டு உள்ளனர் “ என்று தெரிவித்து இருக்கிறார்.
*