நடிகர் சிம்புவுக்கு நேற்று பிறந்த நாள்.
பிறந்த நாளில் அவர், தான் நடிக்க உள்ள 3 புதிய படங்களின் அறிவிப்பை வெளியிட்டார்.
கமல்ஹாசனுடன் அவர் நடிக்கும் ‘தக் லைஃப்’ படம் ஜூன் 5-ஆம் தேதி ரிலீசாகிறது.
இதனை தொடர்ந்து டான் பிக்சர்ஸ் தயாரிக்கும் புது படத்தில் சிம்பு நடிக்கிறார். இது சிம்புவுக்கு 49- வது படம் .இதனை ‘பார்க்கிங்’ படத்தை இயக்கிய ராம்குமார் பாலகிருஷ்ணன் இயக்குகிறார். ஆகாஷ் பாஸ்கரன் தயாரிக்கிறார்.
தனது 50 -வது படத்தை அவரே தயாரிக்கிறார். சிம்பு புதிதாக அட்மன் சினி ஆர்ட்ஸ் என்கிற பட தயாரிப்பு நிறுவனத்தை தொடங்கியுள்ளார். இந்த தயாரிப்பு நிறுவனம் மூலம் அவர் தயாரிக்கும் முதல் படத்தை தேசிங்கு பெரியசாமி இயக்குகிறார். இது சரித்திர படமாக உருவாகிறது. சிம்பு இரட்டை வேடத்தில் நடிக்கிறார்.
யுவன் சங்கர் ராஜா இசையமைக்கிறார். மனோஜ் பரமஹம்சா ஒளிப்பதிவு செய்கிறார்.
சிம்பு நடிக்கும் 51- வது படத்தை ஏஜிஎஸ் நிறுவனம் தயாரிக்கிறது. இந்த படத்தை ‘ஓ மை கடவுளே’ படத்தை இயக்கிய அஷ்வத் மாரிமுத்து,டைரக்ட் செய்கிறார்.
( சிம்பு – தேசிங்கு பெரியசாமி கூட்டணியில் ஒரு படத்தை கமல்ஹாசன் தயாரிப்பதாக இருந்தார். அது, பெரிய பட்ஜெட் என்பதால் கமல் ,அந்த படத்தை கை விட்டது குறிப்பிடத்தக்கது )