‘அண்ணாத்த’ படத்தை தொடர்ந்து ரஜினிகாந்த், நெல்சன் திலீப்குமார் இயக்கத்தில் ‘ஜெயிலர்’ படத்தில் நடித்து முடித்துள்ளார்.
மலையாள சூப்பர் ஸ்டார் மோகன்லால், கன்னட நடிகர் சிவராஜ்குமார் ,இந்தி நடிகர் ஜாக்கிஷெராப்,தமன்னா, பிரியங்கா மோகன், ரம்யா கிருஷ்ணன், யோகிபாபு, வசந்த் ரவி, விநாயகன் உள்ளிட்ட பலர்,இதில் நடித்துள்ளனர்.
இந்த படத்தை முடித்துகொடுத்த கையோடு ,தன் மகள் ஐஸ்வர்யா டைரக்ட் செய்யும் ’லால்சலாம்’ படத்தில் ரஜினி நடித்து வருகிறார்.இந்த படத்தில் அவருக்கு கவுரவ வேடம் என்பதால் அவர் சம்மந்தப்பட்ட காட்சிகள் சில நாட்களில் முடிந்து விடும்.
இதனை தொடர்ந்து ஜெய்பீம் படத்தை இயக்கிய ஞானவேல் டைரக்ட் செய்யும் படத்தில் ரஜினி நடிக்கிறார்.இது ரஜினியின் 170 வது படம்.
‘ஜெயிலர்’ படத்தின் முதல் பாடலான ‘காவாலா’ பாடல் அண்மையில் வெளியாகி ரசிகர்களின் அமோக ஆதரவை பெற்றுள்ளது.
இந்த பாடலை பாராட்டி நடிகர் ராகவா லாரன்ஸ் பதிவு ஒன்றை பகிர்ந்துள்ளார். அதில், “தலைவர் ரஜினியின் அட்டகாசமான ஸ்டைல், அனிருத் இசை, தமன்னா நடனம் மற்றும் ஜானியின் நடன அமைப்பு ஆகியவை ‘காவாலா’ பாடலுக்கு மேலும், ஆற்றலை சேர்க்கிறது. ‘ஜெயிலர்’ திரைப்படம் மாபெரும் வெற்றியடைய நெல்சன் திலீப் குமார் மற்றும் படக்குழுவிற்கு வாழ்த்துகள்” என்று லாரன்ஸ் குறிப்பிட்டுள்ளார்.
லாரன்ஸ்,உங்களுக்கு ரஜினியை வைத்து படம் இயக்க ஆசை உள்ளதா ?
000