விடா முயற்சி, அஜித்தின் அடுத்த படம். படப்டிப்பு தொடங்குகிறது.

ஆகஸ்டு,07-

அல்டிமேட் ஸ்டார் அஜித் நடிப்பில் கடந்த ஜனவரி மாதம் துணிவு படம் வெளியானது..

இதனை தொடர்ந்து அவர் விக்னேஷ் சிவன் இயக்கத்தில் நடிப்பதாக இருந்தார். கதையில் சில மாற்றங்களை செய்ய அஜித் வலியுறுத்தினார். அதற்கு விக்னேஷ் சிவன் மறுத்து விட்டார். இதனால் அந்த படத்தில் இருந்து அவர் தூக்கி அடிக்கப்பட்டார்.

இப்போது, தடையறத் தாக்க, மீகாமன், தடம், கலகத் தலைவன் உள்ளிட்ட படங்களை இயக்கிய மகிழ்திருமேனி இயக்கும் படத்தில் நடிக்க அஜித் ஒப்புக்கொண்டுள்ளார். விடாமுயற்சி என படத்துக்கு பெயர் சூட்டப்பட்டுள்ளது.

அனிருத் இசையமைக்கும் இந்த படத்தை லைகாநிறுவனம் தயாரிக்கிறது. 3 மாதமாக ஸ்கிரிப்ட் எழுதும் பணியில் தீவிரம் காட்டி வந்த மகிழ்திருமேனி, பக்காவாக அதனை முடித்து விட்டார்’விடாமுயற்சி’ திரைப்படத்தின் முதல் கட்டப்படப்பிடிப்பு வருகிற 18-ஆம் தேதி தொடங்குகிறது.

இந்த படத்தில் அஜித்துக்கு ஜோடியாக திரிஷாவும், தமன்னாவும் நடிக்கிறார்கள்.படப்பிடிப்பு சென்னை, புனே, அபுதாபி, ஹைதராபாத் ஆகிய பகுதிகளில் நடைபெறவுள்ளதாக தகவல் வெளியாகியுள்ளது/

000