ஜுலை, 29-
தமிழ் சினிமாவில் பெண் வேடமிட்டு பல நடிகர்கள் நடித்துள்ளனர்.
ஆணழகன் படத்தில் பிரசாந்துக்கு பெண் வேடம் கச்சிதமாக பொருந்தி இருந்தது. பாட்டாளி, மனதை திருடி விட்டாய் உள்ளிட்ட 10 படங்களில் வடிவேலு பெண் வேடமிட்டு கலக்கி இருந்தார்.
ஆயிரம் இருந்தாலும் அவ்வை சண்முகியில் கமல்ஹாசன் போட்ட பெண் வேடம்,’அடிச்சுக்க ஆளில்லை’ ரகம்.
கடந்த 1996-ஆம் ஆண்டு கே.எஸ்.ரவிக்குமார் இயக்கத்தில் வெளியான ‘அவ்வை சண்முகி’யில் வயதான பெண் வேடத்தில் கமல் நடித்திருப்பார். அவரது நடிப்பும், அந்த கதாபாத்திரமும், என்றும் பேசப்படும்.இதன் தொடர்ச்சியாக, கே.எஸ்.ரவிக்குமார் இயக்கத்தில் வெளியான‘தசாவதாரம்’ படத்தில் பாட்டியாக நடித்தார்.
தற்போது ‘இந்தியன் 2’ படத்துக்காக அவர் மீண்டும் பெண் வேடமிட்டு நடித்திருக்கிறாராம். முக்கியமான காட்சியில் சிறிது நேரமே நீடிக்கும் பெண் தோற்றத்தில் கமல் நடித்திருப்பதாக அந்தத் தகவல் கூறுகிறது.
000