தெலுங்குதிரைஉலகின்முன்னணிநடிகர்களில்ஒருவர் ராம்சரண். தெலுங்கு ‘சூப்பர்ஸ்டார்’ சிரஞ்சீவியின்மகன். ராஜமவுலி இயக்கத்தில் ஆர்.ஆர்.ஆர். படத்தில் நடித்து முடித்தகையோடு ராம்சரண் நடித்துள்ள படம் ‘கேம்சே ஞ்சர்’.
ஷங்கர் டைரக்ட் செய்துள்ள இந்தப் படத்தின் கதையை கார்த்திக் சுப்புராஜ் எழுதியுள்ளார் . ஊழலை களை எடுக்கும் ஐ.ஏ.எஸ்.அதிகாரியாக நடித்துள்ளார், ராம்சரண், அவருக்கு ஜோடியாக நடித்துள்ள கியாரா அத்வானியும் ஐ.ஏ.எஸ். அதிகாரி வேடத்தில் வருகிறார்.
கடந்த 2021 ஆம் ஆண்டு இந்தப் படத்தின் படப்பிடிப்பு தொடங்கியது. சுமார் 3ஆண்டுகள் படப்பிடிப்பு நடைபெற்று வந்த நிலையில் ஜூலையில் படப்பிடிப்பு நிறைவடைந்தது. ராம்சரண்- கியாராஜோடியின் பாடல்காட்சி ஒன்று, உலகின் பல நாடுகளில் படமாக்கப்பட்டுள்ளது.
‘கேம் சேஞ்சர்’ டிசம்பர் மாதம் திரையரங்குகளில் வெளியாகும் என தெரிவிக்கப்பட்டிருந்தது. படத்தின் இறுதிக் கட்டபணிகள் இன்னும் முடிவடையாததால், இந்தப் படம்.ஜனவரி 10 ஆம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது.
.’கேம் சேஞ்சர்’படத்தில் ராம்சரண் , இரட்டை வேடத்தில் நடித்துள்ளதாக தகவல் வெளியாகி உள்ளது.
ஷங்கர் இயக்கத்தில் கடைசியாக வெளியான ‘இந்தியன் -2’ திரைப்படம் தோல்வி அடைந்துள்ள நிலையில் ‘கேம்சேஞ்சர்’ படத்தின் வெற்றி, அவருக்கான அக்னி பரிட்சையாக பார்க்கப்படுகிறது.
———–