இருளில் மூழ்கியது உக்ரைன். கிறித்துமஸ் கூட கொண்டாட முடியாமல் மக்கள் தவிப்பு

டிசம்பர்-25.
அமைதியை போதித்த ஏசுநாதர் பிறந்த தினத்தை உலகம் கொண்டாடிக் கொண்டிருக்கும் வேளையில் உக்ரைன் நாட்டில் பல லட்சம் மக்கள் மின்சாரம் இல்லாமல் இருளில் மூழ்கிக் கிடக்கும் பரிதாப தகவல் வெளியாகி உள்ளது.

கடந்த இரண்டு ஆண்டுகளாக நடந்து வரும் போரின் உச்சக்கட்டமாக உக்ரைன் நாட்டின் முக்கிய நகரங்களான கிரிவி ரிக் மற்றும் காா்கிவ் மீது ரஷ்யா பாலிஸ்டிக் ஏவுகணைகளை வீசி இன்று அதிகாலை தாக்குதல் நடத்தியது. மின் கட்டமைப்பை குறிவைத்து தாக்குதல் நடத்தப்பட்டதால் மின்சாரம் தடைபட்டு இரண்டு நகரங்களும் இருளில் மூழ்கிக் கிடக்கின்றன. இதனால் அந்த நகரங்களில் கிறித்துமஸ் கொண்டாட்டங்கள் எதுவுமில்லை.

இந்த இரண்டு நகரங்களில் மட்டுமல்லாமல் உக்ரைன் நாட்டின் பல் வேறு பகுதிகளும் ரஷ்யாவின் தாக்குதலில் மின்சாரம் இல்லாமல் இருளில் மூழ்கிக் கிடக்கின்றன.
*