கமல், விஜய், கார்த்தி ஆகியோருக்கு மிகப்பெரிய வெற்றிப்படங்களை கொடுத்த லோகேஷ் கனகராஜ், ‘சூப்பர்ஸ்டார்’ ரஜினிகாந்தை வைத்து இயக்கியுள்ள படம் ‘கூலி’. இது, ரஜினியின் 171-வது படம்.
ரஜினியுடன் சுருதிஹாசன், நாகார்ஜுனா, உபேந்திரா, சத்யராஜ், அமீர்கான் என பெரிய நட்சத்திரங்கள் நடித்துள்ளனர்.
சன் பிக்சர்ஸ் நிறுவனம் தயாரித்துள்ள இந்த படத்துக்கு .அனிருத் இசையமைத்துள்ளார். ஆகஸ்ட் 14 ஆம் தேதி கூலி திரைப்படம் வெளியாகும் என பட நிறுவனம் அதிகாரப்பூர்வமாக அறிவித்துள்ளது.
கூலி படத்தில் உச்ச நடிகர்கள் நடித்துள்ளதால் இந்திய அளவில் படம் பேசப்படுகிறது. ரஜினியின் 2.0, கமல்ஹாசனின் விக்ரம் மற்றும் விஜய்யின் லியோ போன்ற தமிழ்ப்படங்கள் தெலுங்கு பேசும் மாநிலங்களில் வசூலை குவித்தன. எனவே ஆந்திரா மற்றும் தெலுங்கானாவில் கூலி நல்ல வசூலை கொடுக்கும் என விநியோகஸ்தர்கள் நம்புகின்றனர்.
இதனால், ஆந்திரா மற்றும் தெலுங்கானாவில் திரையரங்குகளில்,’கூலி’ படத்தை வெளியிட ரூ.50 கோடி வரை கொடுக்க விநியோகஸ்தர்கள் தயாராக உள்ளனர். இதனிடையே, கூலி படத்தின் ஓ.டி.டி உரிமையை பிரபல நிறுவனமான அமேசான் பிரைம் சுமார் ரூ.120 கொடுத்து வாங்கியுள்ளதாக தகவல்கள் வெளியாகியுள்ளன.
==